麥兜日誌

有冇搞錯，六點四十四分，公司手機又響，今次係Parnell Station，路上又係傾盆大雨，更慘嘅喺我一檢查發覺原來又係乜事都冇，唉。返到屋企八點幾，好攰，瞓又唔係，唔瞓又唔係，結果都係選擇再瞓一陣，晏啲返中午堂。午餐做咗個沙律，加麵豉湯。簡簡單單又應付咗一餐。之後繼續改Preschool個網頁，埋頭苦幹咗五個鐘，終於搞掂啦，感謝主！希望個客唔會再改啦。睇吓個鐘，又已經七點幾了，有啲肚餓，落去煮晚餐，煮咗上湯菜芯、薑葱炒魚片。一邊食飯一邊睇吓香港新聞，有啲擔心，如果林鄭做咗下屆特首新慘啦，希望「薯片」叔叔會當選啦，咁香港重會有返啲希望，我都可以考慮回流。其實真係有認真諗過，如果香港政治環境好一啲，咁經濟都會好返啲，咁返到香港都可以重有機會發展。「薯片」叔叔話香港依家需要嘅係「休養生息」，我諗我都好需要，而家响度都係一啲目標都冇，冇朋友，冇親人，永遠返到屋企都係一個人對住四面牆，好孤單寂寞，傷口又一直咁流血，與其係咁，不如遠離這個令人懷念而又傷心的地方。其實我真係好鐘意紐西蘭，但世事就係最愛的才能令你最傷。今晚都係早啲上床，唔知半夜三更電話會唔會響，唉！重要捱多九個鐘On Call先完。

睡夢中突然電話響起，噢，係公司手機響，一邊聽一邊看鐘，五點廿二分：「月台緊急電話失靈。」匆匆忙忙跳落床，洗個面，然後就開車去西區。高速公路上只有疏疏落落的幾輛車，車速一直只能維持在七十公里左右，不敢開得快，雨，好像天空在哭一樣，水撥已經開到最快了，但依然睇唔清楚公路上的行車線。半小時後終於到咗火車站，但雨點重係不停咁落下來，穿上反光雨褸，冒著傾盆大雨走到緊急求助電話前，按下通話按鈕，咦，怎麼會接通了，不是說電話失靈嗎？再試月台上的另一個，也可以接通，唉，他們是怎麼搞的？收拾工具，寫完報告，回到家已經係七點多。覺得有點冷，於是淋了個熱水浴，之後覺得重係有啲睏，於是躺回床上，看了一下手機，沒有妳的訊息。拿著手機，矇矇矓矓間，又再次睡著了。再次醒過來已經十一點半，起身做個麵給自已做早餐，原本打算這個星期六八點起身，九點開始工作，改好個客嘅網頁，再繼續做「詩丹站」，但被這個錯誤的急電完全破壞了早上的計劃。就如人生一樣，不管你怎樣計劃你的人生，但事實是過程中會有很多不同的人與事發生在你預計之外，之前我會想，只要對準目標，努力一點，排除計劃中的障礙，沒有成不了的事；但到了今天，我不得不停下來，原來有些事情是不管你多努力也沒有用。時間一點一點過去，一切只會漸行漸遠，就好像兩條線交叉一樣，從兩個不同的坐標出發，最終兩線重疊在一起，之後又再各自向不同的坐標前進，最後大家回頭一瞥，袛能看到對方已成為遠遠的一個點，到最後甚至點到看不到了，一切只沈澱在心底的深處，到了夜蘭人靜的晚上才能輕輕不經意地拿出來細味。下午出去買了點蔬菜，又再次來到了新宜，一個不敢去又好想去的地方，簡簡單單的買了點蔬菜和泡麵，現在只能再省吃儉用一點，要多儲一點錢，只為遲一點可能要應急。不管怎樣，現在我能做的是努力一點工作，盡力為妳做好一切的準備，正如今天我和妳說的，不管妳是否相信，一切的努力都是為妳而作的，因當生命走到交叉點上，我知道我已遇上我的注定了。夜，又深沈了，沒有太多的睡意，但我知道我必需要去休息了。

嗚嗚嗚！好痛，今日比車門夾襯手指，瘀晒，嗚嗚！不過諗起妳一樣比車門撞襯大肶，瘀咗，我覺得痛啲。好攰好眼瞓，今日返咗十一個鐘，返到屋企重要煮飯比自己食，食完攤响梳化度，唔想陏。隔咗一陣聽到妳打電話嚟，妳話妳啱啱完咗團契，玩得好開心。其實我都開心㗎，只要知道妳開心就好。聽日又到星期六了，唔知聽日心情會唔會好啲呢？左手抱著小寶，右手㩜實豬豬，早抖，寶寶。